(اس سے یہ نہ سمجھ لیجئے کہ انسانی اعمال کے نتائج صرف اگلی زندگی میں ہی سامنے آتے ہیں۔ نہیں۔ اعمال کے نتائج اِسی زندگی میں بھی سامنے آنے شروع ہوجاتے ہیں۔ حسن عمل کا نتیجہ‘ اِس دُنیا کی خوشگواریاں بھی ہیں ۔ یہی وہ محسوس معیار ہے جس سے دیکھا جاسکتا ہے کہ کسی قوم کے اعمال ‘ اللہ کےقوانین کے مطابق ہیں یا نہیں۔ اگر اُسے عزت اور عروج حاصل ہے تو اُس کے اعمال اُن قوانین کے مطابق ہیں اگر وہ ذلت وخواری کی زندگی بسر کررہی ہے‘ تو وہ ان کی خلاف ورزی کر رہی ہے۔ یہ اصول یاد رکھو کہ) جو کوئی اِس دنیا میں اندھا ہے‘ وہ آخرت میں بھی اندھا ہی ہوگا‘ اور راستہ سے یک قلم بھٹکا ہوا۔ (اس لئے کہ زندگی تو ایک جوئے رواں ہے.